Muasal Sajak Sunda

Asalamualaikum Warohmatulohi Wabarokatuh Bismillah Alhamdulillah Asolatu Wa salamu Ala Rosulillah Wa ala alihi wasoh bihi wama walah Wa Lahaula wa lakuwata ila bilah. Ama ba’du. 

Puji syukur nu agung ka gusti Alloh nu maha agung, rohmat miwah salam kawilujengan mugi tetep ngocor ka jungjunan urang sadaya Habibana wanabiyana Kanjeng Nabi Muhammad S.A.W. ka kulawargina ka para sahabatna tug dugi ka urang salaku umatna nu tumut kana sunahna ajaranan dugi ka akhir Zaman.

Kaluhur neda papayung, papayung Nu Maha Agung, kahandap neda pangraksa, pangraksa Maha Kawasa. Ampun ka anu Maha Agung, Nu kagungan Kun fayakun, ngadeg sakur kersa-Na, Bral gumelar kawasa-Na.

Sajak mangrupa salah sahiji karya sastra anu geus aya. Carita sajak carita anu di reka ku para bujangga ti jaman baheula tug dugi ka ayeuna. Sajak oge bisa diartikeun kaasup karya sastra wangun puisi, nyaeta karya sastra nu ditulis dina wangun ugeran. Ugeran dina sajak beda jeung karya satra ugeran anu lian, saperti sisindiran, wawangsalan. Ugeran dina sajak mah dina harti ditulis winangun pada. jumlah pada jeung padalisanna teu ditangtukeun, jadi sakahayang anu ngarangna.

Sajak dina buku ieu mangrupakeun hasil tina sabarai ngurus alam marcapada anu tangtuna eusi-eusi sajak dina buku ieu oge mangrupakeun hasil pamanggihan tina alam, mangka teu aneh lamun sajak-sajak na ngeunaan alam atawa sajarah baheula. Sajak dina buku ieu mangrupakeun carita kulantaran sajak-sajakna ngawangun tema. 

Simpen papait anu ka tukang nu jadi kamelang, kaseudih anu kamari, tunggara anu mangkukna, urang dipendem ameh balem, urang simpen sing rikip, ditunda jeung diecagkeun, moal di teang, moal di ingeutan, meunggeus wayahna nyampeur kabagja anu katunda, meunggeus wayahna ninggali kahareupna, ajeg nangtungan hirup jeung kahirupan, ngabageakeun anjeun anu aya, anjeun anu nyanghareup, anjeun anu aya sajeroning rasa.

Luber kana jangji anu pasini mangsa tahun 2016 di bulan mei, tong aya gantar kakaitan, manglayang anu jadi pasini pakaitna ati dina mangsa kamari, di panustungan ku gunung gede pangarango anu bihari. Tilu cai dina mangsa kiwari jadi kamalir anu ngahirupan jalmi jalmi, lain kamalir nu mawa getir jeung gimbir.

Geus wayahna panon poe moncorong, indung beurang geus nyaangan, gear hate anu hade, heab rasa anu mirasa, hibarna cahya ka sakuliah alam dunya, mawa bagja keur urang sararea.

Dina sawatara isuk, dina sawatara wanci haneut moyan, pecat sawet dina sawatara poe anu keur dilakonan, dina sawatara harepan, dina sawatara impian, mugi aya dina cageur jeung bageurna, panceg jeung ajegna, hirup jeung huripna, waluya balarea, gera tandang makalangan marengan caang jalan pasampangan, sunda geus meujeuh na midang.

Nanging nyakitu, teu weleh aya kakurangan nyaeta mangrupi kabodoan sareng kakiranganana, kirang elmu panemuna kirang peryoga kirang pangalaman sareng pamahaman, “Da ngarumasakeun hirup teu bodo-bodo acan”, upami dina kai mah diangge pamikul bengkung diangge pangeret bingkeng, lumayan keur pisuluheun. Lumayan ieumah ngan saukur dogdog pangroyong.

Carita lalampahan Manglayang muru ka gunung gede, ngalewatan tilu cai Ci Manuk, Ci kapundung jeung Ci Tarum, urang pungkas ku Kembang tinetik sinebaran sari tutup lawang si gotaka.

Untuk yang mau pesen buku ini bisa menghubungi nomor kontak WA. 081220014323