MALAPAH GEDANG CIRI KHAS SUNDA

Nyukcuk walungan mapay hawangan, kaditunamah malapah gedang, ieu mah rek mohokeun kabodoan kuring sorangan tapi amit ampun nya paralun lain rek adean ku kuda beureum lain mamatahan nitah teuleum kuya di leuwi. Tapi ngan saukur ngalatih nu aya dina diri.

Hirup jeung hurip urang dialam dunya, ngansaukur darma nu di kawasakeun atawa dipercaya, kumelendang dialam marcapada. salaku manusa urang di wajibkeun ta syakur, ta fakur jeung tong kufur, usahan sarta ikstiar pikeunn yang hareupan hirup jeung kahirupan sapopoe.

Ulah waka suka seuri mun can panggih jati diri” hiji kalimat nu ngabogaan arti nu jero sok sanajan remen kabandungan manusa ngalamun salaput umur, kahayang patemba-temba. anging kadar pangeran nu bakal tumiba jeung karandapan. urang kumelendang di alam marcapada ieu dingaranan manusa, bari urang salaku manusana pituin oge teu apal saha ari manusa?

Ulah waka urang ngudag ka Pangeranan nu nyiptakeun urang, tapi urang seli

dik nu ngaran manusa, manusa mahluk nu sampurna di bandingkeun jeung mahluk lianna dina darajatna. tapi eta oge manusa nu geus bisa ngajalankeun rel kamanusaanna. manusa oge bisa leuwih handap ti sato darajatna. bukti manusa leuwih sampurna darajatna ti batan mahluk lian nyaeta ngabogaan rasa jeung perasaan, dibere akal sarta pikir.

Lamun conto manusa bisa leuwih handap darajatna ti sato nyaeta, can ngadenge sato maling jeung kabehna, domba ngaranjah kebon sampeu, ngan ukur nepi ka daunna, tapi manusa mun ngaranjah ka kebon sampeu sejeroning daunna nya tangkalna di ruksa di bawa, nepi ka beutina.

Manusa oge bisa di sebut mahluk gaib, mun aya nu teu percaya yen manusa gaib, yu urang guar mana ari manusa teh? saha ari manusa teh? jeung dimana ari manusa, yen manusa teh bisa di di sebut mahluk gaib. kusabab teu apal mana dimana cicingna nu ngaran manusa. naha di sejeroning awak atawa raga(ujud) atawa sabalikna di saluareun awak atawa raga(ujud).

Nu matak aya paribasa jerona laut masih keneh bisa kateuleuman, tapi jerona hate manusa sok sanajan kalingkung ku wawangun katingker ku papageran tulang dada tapi teu bisa kateuleuman. kumaha bisa kateuleuman hate manusa da mnusa na oge teu kapanggih nu mana? di mana cicingna nu ngaran manusa? pantesan aya salah sahiji ayat nu nyebutkeun yen manusa jeung pangeran teh mun urat beuheung jeung beuheunamah masih keneh aya jarak. tapi manusa jeung pangerana eweuh jarak. saking kudeukeut-deukeutna.

Pantesan aya jalma bijak nyarita mun hayang apal kagustina kudu apal heula kadirina.nu matak ngajimah ulah nuduh kanu jauh ulah nywang kanu anggang, padahal nu caket geura raketan nu deukeut geura deuheusan, moal jauh tina wujud moal anggang tina awak.